“Abrashi është lojtari më i mirë në botë”

Amir Abrashi është lojtari më i mirë , në botë, kështu thotë trajneri i skuadrës zvicerane Grasshoppers.
Numri një i Grasshoppersit, Pierluigi Tami ka thënë se mesfushori i Kombëtares së Shqipërisë, Amir Abrashi është lojtari më i mirë në botë së bashku me portierin Vaso Vasiq.

“Për mua Abrashi dhe Vasiq janë më të mirët në botë. E dini pse? Sepse janë këtu me mua në konferencë dhe i kam në skuadër”, tha Tami.

Ndërkohë Abrashi foli për ndeshjen ndaj Young Boys, ku do të takohen sonte në mbrëmje.

“Ne kemi humbur nga ta, por tani është ndryshe, tani do të shkojmë vetëm për të fituar”, tha Abrashi, i cili foli edhe për të ardhmen e tij.

“Unë kamë dëgjuar nga menaxheri im për disa skuadra italiane dhe gjermane, por un jam i hapur për të gjitha. Së fundmi kontratë më ka ofruar edhe GC por ende nuk kam vendosur”, deklaroi mesfushori fantastik i Shqipërisë.

Për shërbimet e tij mbeten të interesuara, Atalanta, Torino dhe Werder Bremen. /Telegrafi/