Aberdeen refuzon ofertën e Lecces për Ylber Ramadanin, një tjetër skuadër italiane tenton transferimin e mesfushorit shqiptar

Ylber Ramadani pritet ta bëj hapin e madh në karrierë, duke u larguar nga Superliga e Skocisë për në Serie A.

Mesfushori shqiptar ka shkëlqyer në vitin e tij të parë në Ligën Premier skoceze me fanellën e skuadrës Aberdeen.

Lecce është skuadra nga Serie A që ka shprehur interesim për transferimin e Ramadanit.

Në fakt mediat italiane kanë raportuar se reprezentuesi shqiptar ka një marrëveshje personale me Leccen, por transferimi i tij është i komplikuar.

Skuadra italiane ka ofruar 1,2 milionë euro për transferimin e Ramadanit, ofertë që është refuzuar nga Aberdeen.

Skocezët synojnë që të fitojnë së paku dy milionë euro nga largimi i mesfushorit shqiptar.

27-vjeçari tani ka një tjetër skuadër në Serie A, pasi edhe Hellas Verona është futur në garë për të.

Gjithsesi te skuadra skoceze janë të gatshëm ta shesin Ramadanin, por duan që nga largimi i tij të fitoj rreth dy milionë euro. /Telegrafi/