Abdurrahimi vazhdon me gola
RajoniPress
10:05, 10 Mars, 2013
Mesfushori shqiptar, Besart Abdurrahimi, ka shënuar një gol në humbjen e Zagrebit si mysafir i Splitit me rezultatin 4:1.
Abdurrahimi golin e shënoi në minutën e 51-të për të barazuar shifrat në 1:1, por më pas Zagrebi pësoi edhe tri herë.
Kjo ndeshje u zhvillua të shtunën dhe i ka takuar xhiros së 23-të të kampionatit të Kroacisë. Për Abdurrahimin 22-vjeçar ky ishte goli i tetë këtë edicion.
Ai për Zagrebin ka kontribuar edhe me tri asistime. Zagrebi po lufton për mbetje në elitë. Renditet i parafundit (11) me 22 pikë.(koha)
