Hidromorava

Abazi: Anti-demokratike që të gënjehet për kërcënim ndaj Kurtit duke shfrytëzuar RTK-në dhe keqpërdorur AKI-në

/ 2 minuta lexim

Deputeti i Kuvendit të Kosovës, Haki Abazi, e ka vlerësuar si anti-demokratike dhe anti-kushtetuese që të gënjehet opinion publik për kërcënime ndaj kryeministrit Albin Kurti, “duke e përdorur transmetuesin publik dhe duke keqpërdorur AKI-në”.

Nëpërmes një postimi në Facebook, ish-deputeti i Vetëvendosjes ka radhitur disa nga veprimet e pushtetit që i ka cilësuar si anti-demokratike dhe anti-kushtetuese, ku ka përfshirë dhe refuzimin e Qeverisë që të përgjigjet në pyetjet e deputetëve.

“Këto veprime janë shkatërruese për rendin kushtetues dhe republikën parlamentare. Duhet seancë parlamentare urgjente për sjelljen jodemokratike dhe jokushtetuese të ekzekutivit”, ka theksuar Abazi.

Uji Dea

POSTIMI I PLOTË:

Është gabim, antidemokratike dhe antikushtetuese:
🔴Të refuzohen pyetjet e deputetëve drejtuar ekzekutivit,
🔴Të flitet me Danimarkën për dhënien e Burgut të Gjilanit në përdorim, përderisa ka refuzim të fuqishëm në Parlamentin e Kosovës dhe në shoqërinë civile për këtë gjë,
🔴Të gënjehet opinioni publik për kërcënime ndaj Kryeministrit duke përdorur transmetuesin publik dhe duke keqpërdorur AKI-në dhe duke mos paraqitur asnjë fakt, as kundërshtim ndaj deklaratës të Ministrisë së Punëve të Brendshme të Maqedonisë që demanton Qeverinë e Republikës së Kosovës.
🔴Të përcaktohet Komisionieri i FSK-së nga një njeri pa legjitimitet dhe pas asnjë transparencë. Është edhe RREZIKIM I SIGURISË KOMBËTARE!Këto veprime janë shkatërruese për rendin kushtetues dhe republikën parlamentare. Duhet seancë parlamentare urgjente për sjelljen jodemokratike dhe jokushtetuese të ekzekutivit. Ministrja e Drejtësisë duhet të thirret me urgjencë në Komisionin Parlamentar për deklarimet e rrejshme lidhur me marrëveshjen me Danimarkën.