AAK shtrihet edhe në fshatra

Gjilan – Ahmet Isufi dhe Rexhep Kadriu thanë se AAK po shtrihet fuqishëm edhe në fshatrat e Gjilanit dhe nëpër të gjitha lagjet e qytetit. Rexhep Kadriu i nominuar për kryetar të degës së AAK-së në Gjilan tha se AAK po fuqizohet dita ditës.

Aleanca për Ardhmërinë e Kosovës dega në Gjilan, në javën që lamë pas, në kuadër të procesit zgjedhorë brenda partisë, mbajti kuvendet zgjedhore në 10 ( dhjetë) nëndegë.

Në të gjitha këto kuvende morën pjesë kryetari Ahmet Isufi, kandidati për kryetarë Rexhep Kadriu , dhe anëtarët e tjerë të kryesisë.

Grupi punues për përgatitjen e zgjedhjeve, vlerëson lartë angazhimin e strukturave të degës , angazhim i cili rezulton me pjesëmarrje masive në të gjitha kuvendet e nëndegëve.

Kuvende zgjedhore tashmë janë mbajtur në nëndegët e fshatrave Uglarë ku kryetar është zgjedhur Labinot Hyseni, në Bilinicë kryetar është zgjedhur Selver Zenuni, në Bukovik kryetar është zgjedhur Kelmend Ramadani, në Sllubicë kryetar është zgjedhur Afrim Sadriu, në Lladovë kryetar është zgjedhur Hamzi Mahmuti.

Kurse në Gjilan në Dardania I, II, III, IV dhe qendra VI janë zgjedhur kryetar Halim Azemi, Enis Shurdhani, Ardit Kastrati, Mimoza Klaiqi, Antigona Keka.

Sipas Rexhep Kadriut risi e këtyre zgjedhjeve është fakti se në dy qendra janë zgjedhur dy femra./rajonipress/