AAK shton aktivitetet në teren, të rinjtë mobilizohen

Gjilan – Kryesia e AAK-së në Gjilan po vazhdon takimet me kryetarët e nëndegëve, duke rritur kështu edhe më shumë intensitetin e punës së aktivistëve të kësaj partie, ka thënë nënkryetari i parë i AAK-së në Gjilan Selami Xhemajli.Kryetari i ARK-së në Gjilan Labinot Hyseni, ka thënë se falë interesimit dhe angazhimit të këtyre të rinjve për Aleancën, është marrë vendim që nga sot të futen në kryesi, në mënyrë që ky angazhim të vazhdojë si punë ekipore e një Aleance të të Rinjve, që po punon në të mirë të çdo të riu në Gjilan.

Selami Xhemajli së bashku me sekretarin e përgjithshëm të AAK-së në Gjilan Nazim Gagica, gjatë ditës së premte janë takuar me kryetarët e nëndegëve të Qendra I, II, III; Reshat Ymeri I, II; Livoq i Ulët, Livoq i Epërm, Cernicë, Kravaricë, Vrapqiq dhe Gumnishte.

Në këtë takim morën pjesë edhe koordinatorët që përfshijnë këto pjesë, Muhamet Kastrati dhe Xhevat Bekteshi, ndërsa u diskutua për angazhime që po bëhen dhe që duhet bërë që në zgjedhjet e nëntorit AAK të dal fituese.

Kurse Aleanca e të Rinjve të Kosovës – Dega në Gjilan, gjatë takimit të rregullt me anëtarët e kryesisë si dhe kryetarët e nëndegëve, ka rritur numrin e anëtarëve të kryesisë, duke sjellë kështu emra të rinj.

Kryetari i ARK-së në Gjilan Labinot Hyseni, ka thënë se falë interesimit dhe angazhimit të këtyre të rinjve për Aleancën, është marrë vendim që nga sot të futen në kryesi, në mënyrë që ky angazhim të vazhdojë si punë ekipore e një Aleance të të Rinjve, që po punon në të mirë të çdo të riu në Gjilan.

“Duke filluar nga prurjet e reja në kryesi, ARK po vazhdon aktivitetin e saj, tani edhe me rritjen e numrit të nëndegëve si dhe ristrukturimin e kryesive, ku kjo javë dhe java që vjen, pritet të jetë një javë intensive”, ka thënë Hyseni. /rajonipress/