AAK riorganizon nëndegët edhe në qytet

Gjilan – AAK në këto zgjedhje ka bërë riorganizimin e nëndegëve në qytet, ku nga 13 nëndegë sa kanë qenë funksionale, do të konstituohen 27 nëndegë, mirëpo gjatë punës në teren duke parë interesim e madh për tu angazhuar në strukturat e nëndegëve të AAK-së, grupi punues për përgatitjen e këtyre zgjedhjeve do t`i shqyrtojë kërkesat e anëtarësisë për riorganizimin e nëndegëve edhe në fshatrat të mëdha ka thënë Rexhep Kadriu.

Ka përfunduar java e dytë e Kuvendeve zgjedhore të degës së AAK-së në Gjilan e cila u karakterizua me një pjesëmarrje masive në të gjitha kuvendet e nëndegëve. Karakteristikë e këtyre zgjedhjeve të brendshme të partisë ishte aderimi i një numri të madh të anëtarëve të rinjve si dhe interesimi i tyre për tu angazhuar në strukturat udhëheqëse të këtyre nëndegëve.

AAK në këto zgjedhje ka bërë riorganizimin e nëndegëve në qytet, ku nga 13 nëndegë sa kanë qenë funksionale, do të konstituohen 27 nëndegë, mirëpo gjatë punës në teren duke parë interesim e madh për tu angazhuar në strukturat e nëndegëve të AAK-së, grupi punues për përgatitjen e këtyre zgjedhjeve do t`i shqyrtojë kërkesat e anëtarësisë për riorganizimin e nëndegëve edhe në fshatrat të mëdha tha Rexhep Kadriu i nominuari për kryetar të degës së AAK-së në Gjilan.

Karakteristikë tjetër e këtyre zgjedhjeve është; se fryma konsensuale për freskim me kuadro të reja që mbretëron në nivel të degës së AAK-së në Gjilan, e cila shprehet me kandidimin e zotit Rexhep Kadriu për Kryetarë të Degës, po bartet edhe në nivele të nëndegëve , ku nga 20 kuvende të organizuara deri tani, 12 janë figura të reja që do të udhëheqin me nëndegët e AAK-së, Gjilan.

Vlen të theksohet së në të gjitha këto aktivitete zgjedhore, në mbështetje të kandidaturës se zotit Kadriu dhe të procesit zgjedhorë , po merr pjesë aktivisht dhe me një angazhim shumë kontributdhënës edhe ai që cilësohet si emblemë e AAK-së, zoti Ahmet Isufi i cili para anëtarësisë së AAK-së po paraqet vizionin e përgjithshëm të AAK-së.

Kandidatura e zotit Rexhep Kadriu po pritet jashtëzakonisht mirë nga strukturat, anëtarësia e gjerë dhe qytetarët e Komunës së Gjilanit thuhet në njoftimin e grupit punues të AAK-së në Gjilan./rajonipress/