AAK në Gjilan e shqetësuar me vendimin e Francës për rastin Haradinaj

Gjilan – Në takimin e mbajtur të degës së AAK-së në Gjilan u debatua në lidhje me rastin e kryetarit Ramush Haradinaj dhe në këtë mbledhje kryesia doli me një qëndrim: Dega e AAK-së në Gjilan shpreh shqetësimin dhe indinjatën rreth vendimit të gjykatës së Francës për vendimin jo të drejtë të marrë nga institucionet franceze, i cili është në kundërshtim ndaj gjithave normave dhe konventave ndërkombëtare.

Pasiqë kryetari Haradinaj e ka dëshmuar pafajësinë e tij dy herë në gjykatën ndërkombëtare të Hagës, duke u bazuar në civilizimin dhe popullin francez, ende besojmë dhe shpresojmë që drejtësia franceze do të japë verdiktin e drejtë përfundimtar për lirimin e Kryetarit Ramush Haradinaj.

Gjithashtu, dega e AAK në Gjilan njëherit kërkon nga institucionet relevante vendore dhe ndërkombëtare, që me mekanizmat përkatës të ndikojnë drejtpërdrejtë në lirimin e z. Haradinaj./rajonipress/