AAK-ja insiston në “ndëshkimin” e Sllovenisë

Pavarësisht se Haradinaj është kthyer të shtunën në Kosovë pas vendimit të autoriteteve sllovene për kthimin e pasaportës së tij diplomatike, zyrtarë të AAK-së insistojnë për zbatimin e të gjitha pikave të rezolutës së tyre e të aprovuar me votë nga 51 deputetë, të enjten.

Moszbatimi i rezolutës së miratuar nga Kuvendi i Kosovës të enjten për Ramush Haradinajn do të mund të çojë Qeverinë e Isa Mustafës dhe Hashim Thaçit deri te një mocion mosbesimi nga deputetët, shkruan sot Koha Ditore.

Pavarësisht se Haradinaj është kthyer të shtunën në Kosovë pas vendimit të autoriteteve sllovene për kthimin e pasaportës së tij diplomatike, zyrtarë të AAK-së insistojnë për zbatimin e të gjitha pikave të rezolutës së tyre e të aprovuar me votë nga 51 deputetë, të enjten.

“Ne do të insistojmë në implementim të plotë, është obligim kushtetues. Është votuar nga Kuvendi në formën siç është harmonizuar dhe si të tillë kërkojmë implementimin të plotë të saj”, ka thënë anëtari i Kryesisë së AAK-së, Avni Arifi.

Sipas tij, moszbatimi i rezolutës do të ishte skandaloz, meqë do të ishte një injorim i pastër i vendimit të përfaqësuesve të popullit nga ana e ekzekutivit.

“Nëse ndodh, atëherë i humb kuptimi demokracisë dhe Parlamentit në Kosovë”, ka thënë Arifi, duke paralajmëruar masa kushtetuese ndaj moszbatimit të rezolutës.

http://koha.net/?id=27&l=63092