A është e mundur të bëhesh alergjik në çdo moment të jetës?

Alergjitë ndodhin kur trupi juaj zbulon një lloj lënde të huaj, si p.sh. një kokërr poleni ose zbokth të kafshëve shtëpiake dhe aktivizon një përgjigje të sistemit imunitar për ta luftuar atë.

Kur zhvillohen zakonisht alergjitë?

Shumica e njerëzve kujtojnë fillimin e shfaqjes së simptomave të alergjisë në një moshë të re. Por është e mundur që të zhvilloni një alergji në çdo moment të jetës. Ju madje mund të bëheni alergjik ndaj diçkaje për të cilën nuk keni pasur alergji më parë.

Disa simptoma të alergjisë janë të lehta dhe mund të trajtohen me ekspozim të reduktuar ndaj alergjenit ose duke marrë medikamente. Simptomat ndryshojnë:

– alergjia nga bimët: kruarje e hundës, syve, gojës; hundë të bllokuara; sy të skuqur, të ënjtur.

– alergjia nga ushqimi: ënjtje e buzëve, gjuhës, fytyrës ose fytit; irrim i lëkurës, të vjella.

– alergjia nga insektet: ënjtje në vendin e pickimit, kruarje në të gjithë trupin, kollë ose shtrëngim në gjoks

– alergji nga ilaçet: irritim në lëkurë, kruarje, skuqje, ënjtje e fytyrës, gulçim.

Por disa simptoma janë të rënda dhe kërcënuese për jetën, si për shembull:

– marramendje

– ënjtje jonormale e gjuhës ose e fytit

– skuqje ose urtikarie në të gjithë trupin

– dhimbje në bark

– të vjella

– diarre

– ethe

– ndjesi konfuzioni

– humbje e vetëdijes

– anafilaksi (ënjtje dhe mbyllje e fytit, gulçim, presion i ulët i gjakut)

Duhet të vizitoni mjekun nëse keni simptoma që mendoni se shkaktohen nga një alergji.