Rashiti, për marrëveshjen LAN-VV

Analisti politik, Naim Rashiti, thotë se pas marrëveshjes së bllokut LDK-AAK-Nisma me Lëvizjen Vetëvendosje, po krijohet një kontekst i ri politik.

Sipas tij, nëse marrëveshja është ndërtuar mbi parimet e qarta rreth përgjegjësive, “VV është bërë parti politike, gjë që ka pasur nevojë”.

“Ky parim do të thotë se edhe më tej Albin Kurti nuk mund të udhëheq me dialogun. Megjithatë, marrëveshja krijon një situatë më të qartë për formimin e qeverisë, por vështirë se do të cenojë formulën për postin e kryeparlamentarit.

Si tërësi, marrëveshja sjell zhvillime te reja dhe shumë më të qarta se deri më tani”, ka shkruar Rashiti në profilin e tij në Facebook. /Telegrafi/