KFOR-i ndihmon shkollën fillore në Koretin

Kamenicë – Në prag të fillimit të vitit të ri shkollor KFOR-i amerikan dhe ai turk, kanë ndarë disa paisje të punës për zyre të arsimtarëve dhe vegla pune për nxënës.

Koloneli Topaloglu tha se ndihet i lumtur që para ikjes së ti në atdhe ndan ndihma për shkollën fillore në Koretin. “Pasiqë është viti shkollor ne kemi menduar që shkollës suaj të ju ndajmë disa mjetë-vegla punë për shkollë”, tha ai.

Ai ka lavdëruar punën e kryetarit të Komunës, Begzad Sinani, duke thënë se ka punuar dhe po vazhdon të punojë me intensitet në fushën e arsimit, sigurisë, punësimit dhe fushave të tjera. “Prandaj duke pasur parasysh këto angazhime ne kemi vendosur që njëra shkollë e komunës së Kamenicës të jetë përfituese e këtyre mjeteve për pune”, ka thënë ai.

Në këtë takim ishin të ftuar drejtori i drejtorisë së Arsimit Agim Shkodra, Nënkryetari i Komunës Fatmir Matoshi dhe zyrtar të tjerë komunal. Po ashtu zv. Komandanti i stacionit Policor në Kamenicë Gani Huruglica në këtë takim tha se ne jemi të përkushtuar gjithmonë të ju dalim në ndihmë qytetarëve të Komunës sonë e më gjere.

“Ne si Polici kemi kontakte të vazhdueshme me të gjitha shkollat e komunës sonë, bashkëpunim të veçantë me personelin arsimor, me prindërit etj”, ka thënë ai.

Ndërsa drejtoresha e shkollës së Koretinit, Merita Keqmezi, falënderoi KFOR-in për ndihmën e dhënë për shkollën që ajo punon. Koloneli Topaloglu, ndau dhuratat e para për nxënësit, si fletore, lapsa, goma, vegla për Matematikë etj./rajonipress/