AKI: Në Siri nuk është vrarë asnjë agjent kosovar

Agjencia e Kosovës për Inteligjencë (AKI), përmes një njoftimi për media, ka mohuar se një agjent i kësaj Agjencia është dekonspiruar dhe është vrarë në Siri.

“Sigurojmë qytetarët e Republikës së Kosovës se AKI kryen detyrat dhe përgjegjësitë që i ka të përcaktuara në mënyrë mjaft profesionale dhe ka kapacitete të mjaftueshme për tu përballur me sukses më të gjitha sfidat që mund të paraqiten gjatë përmbushjes së mandatit kushtetues dhe ligjor”, thuhet ndër të tjera në njoftimin e AKI-së.