Kusari-Lila: AKR do të ristrukturohet

Ndonëse nuk arriti ta kalojë pragun prej 5 për qind për të qenë pjesë e Kuvendit të Kosovës, Aleanca Kosova e Re nuk e ka ndërmend të largohet nga jeta dhe skena politike.

Ky vendim në mënyrë përfundimtare është marrë në një mbledhje që ka pasur kryesia e partisë në fillim të kësaj jave.

Zëvendëspresidentja e AKR-së, njëherësh kryetarja e komunës së Gjakovës Mimoza Kusari-Lila, në një prononcim dhënë gazetës ka deklaruar se është vendosur të formohet një komision brenda partisë i cili do të bëjë vlerësimin e rezultatit zgjedhor dhe hapat që më tutje do të merren.

“Pasi të bëhet vlerësimi i rezultatit zgjedhor në secilën degë, do të ndërmerren hapa konkretë në ristrukturimin e përgjithshëm të partisë, duke filluar nga degët”, është shprehur Kusari-Lila.

Ajo më tej ka paralajmëruar mbajtjen e një kuvendi të punës të AKR-së, i cili do të ndodhë gjatë muaji shtator…(Tribuna).