Adelina e dhënë pas futbollit, aktive në muzikë

Adelina Berisha po gjen kohë për të gjitha. Këngëtarja e njohur e estradës kosovare është shumë e dhënë pas futbollit. Dita e shtunë për të ka qenë një festë e vërtetë pas triumfit të Real Madridit në Ligën e Kampionëve.

Adelina është një tifoze e zjarrtë e Realit dhe pas triumfit të kësaj skuadre, ajo ka reaguar menjëherë në faqen e saj në Facebook me titullin “Kampioneee”.

Tifozllëk për futboll ka bërë edhe për Kosovën duke e përcjellur sfidën me Senegalin me plot emocione, shkruan Zhurnal.

Por jo vetëm kaq. “Bomba” e estradës kosovare do të rikthehet fuqishëm me dy këngë të reja brenda pak ditësh. Që të dy këngët do të dalin me videoklipe, çka premtojnë një verë të nxehtë për Adelinën.