Mustafa: Partia e Hashim Thaçit e ka kapur për fyti shtetin

Kryetari i LDK’së Isa Mustafa tha se PDK e ka kapur shtetin për fyti. Mustafa tha se largimin nga pushteti të Thaçi, LDK e ka marrë seriozisht. Sipas Mustafës, LDK do të largoj tutorizmin, bandat dhe kriminelë largoj tutorizmin, bandat dhe kriminelët.

“Partia e Hashim Thaçit e ka kapur për fyti shtetin, kërcënon çdo ditë kë të dojë, kujt të dojë i thotë të burgosi, të arrestoj, të liroj, t’i zvogëloj pagat, t’i rrisë pagat. Por, ky shtet nuk është shtet i sundimtarit. Pronar i këtij shteti nuk është Hashim Thaçi, nuk është PDK, pronar i këtij shteti është dhe do të jetë qytetari, populli, sovrani dhe prandaj ne kemi obligim të bëjmë ndryshime, t’ua heqim qafe qytetarëve tutorizmin, bandat, kriminelët, sepse vendin me kriminelë nuk mund ta çojmë përpara”, ka thënë Mustafa.

Në një takim në Hajvali, Mustafa tha se partia që ai drejton është mobilizuar për fitore në zgjedhjet e 8 qershorit.

“LDK e ka pikë përnime ta rrëzojë qeverinë e Hashim Thaçit dhe atij e bashkëpunëtorëve të tij të mos ia mundësojë kurrë më të kthehet dhe ta kriminalizojë këtë vend”, ka thënë Mustafa.