Elza Rexhi, kandidatja për Miss Diaspora

Në konkursin e bukurisë Miss Diaspora, Elza Rexhi është kandidate për të zënë vendin më të lartë. Konkursi, i shndërruar në ndodhi tradicionale, sivjet mbahet me 7 qershor në Dusseldorf të Gjermanisë, ku do të garojnë 12 vajza dhe gjashtë djem pasi që organizatori ka paraparë edhe zgjedhjen e Mister Diaspora.

Elza Rexhi, 17 vjeçare, e cila jeton në në Londër, është vajza me gjasa të mëdha për fitore. Ajo në vitin e kaluar, po në këtë garë, ka fituar Çmimin e Publikut.

Pamja e saj e bukur i ka mundësuar pjesëmarrje në disa sfilata. Gjatë muajit prill të këtij viti, Elza Rexhi ka qenë pjesëmarrëse edhe në Kosova Fashion Week.

Elza është nxënëse në Richmond College në Londër, ku po ashtu dallohet në mësim dhe aktivitete të shkollës. Ajo është e përgatitur dhe është optimiste për radhitjen më të lartë në këtë konkurs që është duke zgjuar interesim të madh te shqiptarët e diasporës.