Kelmendi: Do tija siguroj votat PDK’së në Dukagjin

Ish-deputeti i Kuvendit të Kosovës, njëri ndër biznesmenët më të mëdhenj, Ramiz Kelmendi, i cili tashmë ka kaluar në Partinë Demokratike të Kosovës, është shprehur i bindur se këtë parti do ta fuqizojë me ide dhe vota në rajonin e Dukagjinit.

Kelmendi thotë se është radhitur në krah të fituesit të zgjedhjeve të 8 qershorit.

“Duke e parë vizionin e kryeministrit Hashim Thaçi, për zhvillimin ekonomik të Kosovës, mendova dhe u binda se projektet e mia mund t’i realizojë vetëm me fituesin e zgjedhjeve të 8 qershorit, që mendoj se do të jetë kryeministri aktual”, ka thënë Kelmendi për Epokën e Re.