Celina fiton çmimin e golit më të bukur te Man City, nuk luan për Kosovën

Talenti kosovar, Bersant Celina, ka fituar çmimin për golin më të bukur te Manchester City U18, të shënuar ndaj Blackburn Rovers. E, këtë çmim Bersanti e mori si i lënduar dhe kësisoj ai do të mungojë për Kosovën në ndeshjet ndaj Turqisë dhe Senegalit.

Supertalenti kosovar, Bersant Celina, ka arritur ta fitoj një çmim tejet të çmuar te skuadra e tij, Manchester City.

Akademia e kësaj skuadre ka ndarë çmimet për lojtarët më të dalluar të stinorit, teksa Bersantit i ka takuar çmimi për golin më të bukur të stinorit për skuadrën U18, gol i shënuar ndaj Blackburn Rovers.

E, këtë çmim Bersanti e morri i lënduar dhe kësisoj ai nuk do të jetë i gatshëm të luaj as për Përfaqësuesen e Kosovës ndaj Turqisë dhe Senegalit.

Celina u ftua me Kosovën në sfidën ndaj Haitit, mirëpo nuk pati minutazh në atë ndeshje.