Me rastin e vdekjes:Elegji për Heset Matoshin (1955 – 06.04.2014.)
RajoniPress
21:01, 7 Prill, 2014
T’lindi nëna , djalë skofiarë ,Burrë fisnik , mikpritës , bujarë ! Para nxënësve me ditarë – Shëmbëlltyrë ndër arsimtarë !
Kur ia ndërroje gishtat mezhnicës –
Larg ia çoje nderin Gëmicës !
Kur ia ndërroje gishtat fyellit –
Larg ia çoje këngën bylbylit !
Kur ia ndërroje gishtat kavallit –
Gurë e dru qanin prej mallit !
Si bylbyli nga këto male –
Larg shtegtove n’ festivale !
Me frymëzimet e Rilindjes –
Larg ia rrite famën Vendlindjes !
Me traditat e konakut –
Larg ia rrite famën Gollakut !
Ti , po shkon sot në amshim –
Instrumentet na i le kujtim !
Der’ sa malet do t’ jetojnë –
Tingujt tu , do të jehojnë !
Pusho i qetë Heset Matoshi –
T’ njohu Vlora e Vërmoshi !
Vdekja t’ mori para kohës –
T’ qoftë i lehtë dheu i Kosovës !
Gjilan, më 06.04.2014. Demir KRASNIQI
*****Këtë poezi , autori e lexoi pranë varrit te të ndjerit Heset Matoshi, para të pranishmëve me rastin e varrimit të Tij, në varrezat e vendlindjes , në fshatin Gëmicë , më datën 07.04.2014 .
