Qeveria e protestave

Në gjashtë muajt e parë të saj, Qeveria “Mustafa” si asnjë qeveri më parë në vend është ballafaquar me numër të madh të protestave e grevave. Përderisa veteranët e luftës së Ushtrisë Çlirimtare të Kosovës kanë protestuar për vonesat në publikimin e listave, mësimdhënësit dhe punonjësit e shëndetësisë kanë mbajtur greva të shkurtra për shkak të moszbatimit në plotësi të Kontratës Kolektive.

Kurse prodhuesit dhe përpunuesit e qumështit kanë protestuar kundër pengesave që po u paraqiten në treg. Madje këto kategori paralajmërojnë se grevat dhe protestat do të vazhdojnë edhe në të ardhmen nëse nuk u plotësohen kërkesat që i kanë.

Gazeta “Zëri” disa ditë ka pritur përgjigje nga Qeveria se a ka plan se si do të veprohet ndaj kërkesave të këtyre kategorive, por nuk ka marrë përgjigje./zeri/