Si po prishet kënga shqipe

N’ trojet tona mbarëkombëtare –Mbushë këngëtarë edhe këngëtare, Që me këngë s’kanë lidhje fare, Por, këndojnë ma shumë për pare !…

Ata s’ çajnë kokën për vlera –
Veç me i kapë diqysh kamera !
Veç me dalë n’ televizione –
Me shitë mend e iluzione !

Ca këngëtarë pa fije kripe –
Po na i prishin këngët shqipe !
Këngëve tradicionale –
Po u japin ngjyra banale !

Ua ndërrojnë tekstet dhe burimin ,
Meloditë, ritmet , kuptimin !…
Me to dalin n’ festivale ,
I publikojnë në shumë kanale !…

Gjëmë po banë televizori –
Këto këngë këqyren prej zori ,
Iu mungon krejt redaktori ,
Koreografi e regjisori !…

Për këto këngë kur bahen spotet –
Grup valltarësh shihen si koten !
Disa tjerë nisin t’ përkunden ,
Ca përgjumen , ca kruajnë hundën !…

Ca valltare luftojnë krizat –
Këngëtarëve ua presin mizat !
Ca shamitë i sallaisin –
Këngëtarët i flladisin !…

Këta valltarë duhet t’ studiohen –
Vallëzojnë këngë që nuk vallëzohën ?!
Ndërsa këngët që vallëzohën –
Nga valltaret po injorohen ?!

Ca këngëtarë janë çaraveshë –
Qeshën n’ këngë – kur s’ duhet qeshë ?!
Këngëve t’ vajit e t’ pikëllimit –
U japin pamje t’ gëzimit ?!

Këngëve t’ dasmës e t’ gëzimit –
U japin pamje t’ pikëllimit ?!
Rreth tangarit , rreth gjyveçi –
Burrat këndojnë këngë konagjeçi ?!

Burrat këndojnë këngë nusërie ,
Femrat këndojnë këngë burrërie ?!
Burrat këndojnë këngët rreth gurrave ,
Femrat këndojnë në odë të burrave ?!

Femrat këndojnë edhe vallëzojnë –
Pjesët e trupit i reklamojnë !
Burrat haptas i ngacmojnë –
Para kamerave i pickojnë ?!…/rajonipress/

Gjilan, më 12.06.2015. Demir Krasniqi