Amendamentet shkojnë, Projektligji për Specialen mbetet

Amendamentet e shumëpërfolura për Gjykatën Speciale pritet që të premten të jenë për votim para Kuvendit të Kosovës, por jo edhe Projektligji për Dhomat e Specializuara. Për projektligjin, pritet të jepet vetëm një rezyme, por jo ligji në tërësi, pasi që duket se modalitetet nuk janë përfunduar.

Tabori opozitar në Kosovë konsideron se vendimi i Qeverisë që legjislativi vetëm të njoftohet me përmbajtjen e Projektligjit për Dhomat e Specializuara, Zyrën e Prokurorit të Specializuar si dhe Projektligjin për Mbrojtjen Juridike dhe mbështetjen financiare të personave të akuzuar potencialë në proceset gjyqësore pranë Dhomave të Specializuara është tentim për të krijuar situata të “mjegullta” dhe për të vënë në lajthim deputetët e Parlamentit./zeri/