Flet gruaja që u dhunua nga forcat serbe: I dhunuan edhe vajzat e mia, njëra ishte 14-vjeçe

Një grua e dhunuar në luftë, që për RTK është identifikuar si Drita, u ka bërë apel të gjitha grave që e kanë përjetuar dhunën nga policët serbë që ta denoncojnë atë. Gruaja e dhunuar tha se faji bie mbi ata që e kanë bërë këtë vepër. Ndërsa, ka rrëfyer se serbët ia dhunuan edhe vajzat, njëra nga to vetëm 14-vjeçe.

Kjo grua thotë se deri në fund do të kërkojë që dhunuesi i saj të marrë dënimin e merituar.

Prokuroria Speciale janë të gatshëm që të hetojnë këto raste. Por, ende nuk dihet saktë numri i grave që u dhunuan gjatë luftës së fundit në Kosovë.