FARK-ut s’i njihet lufta

Edhe shtatëmbëdhjetë vjet pas luftës, shteti i Kosovës nuk po i njeh si veteranë të UÇK-së, pjesëtarët e Forcave të Armatosura të Republikës së Kosovës (FARK).

Ata që dikur u kanë prirë brigadave të para të Forcave të Armatosura të Republikës së Kosovës (FARK) nën udhëheqjen e ministrit të Mbrojtjes, kolonel Ahmet Krasniqi, sot akuzojnë ashpër shtetin e Kosovës, se po fsheh kontributin e tyre duke mos i njohur si luftëtarë të UÇK-së.

Ata thonë se mbajtën emblemën e UÇK-së, sikurse mijëra të tjerë në gjithë Kosovën, por po fshihen nga historia e re e Kosovës.

Ish-luftëtarët e FARK-ut ankohen se Komisioni qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit apo të Internuarit të UÇK-së nuk po i trajton si të barabartë me pjesëtarët e tjerë të kësaj ushtrie./zeri/