Protestuesit kërkojnë të mos votohet Gjykata Speciale

Organizata e veteranëve të luftës së Ushtrisë Çlirimtare të Kosovës përfundoi protestën e organizuar në Prishtinë kundër themelimit të Gjykatës Speciale. Ata thanë se nëse deputetët e Kuvendit të Kosovës vendosin pro themelimit të Gjykatës Speciale sërish do të dalin në protesta.

Xhavit Jashari, kryetar i OVLUÇK-së tha se djemtë dhe vajzat e Kosovës e kanë realizuar shumë mirë luftën pasi populli jonë ka qenë i robëruar dhe nga robëria ka dalë me anë të luftës.

Ata thanë se deputetët kanë frikë nga e kaluara, por sipas tyre, e ardhmja nuk vjen pa të kaluarën.

Elezi: Po bëhet padrejtësi e madhe ndaj luftës së UÇK-së (Foto)

E plotësuar: Smajl Elezi, nënkryetar i Organizatës së veteranëve të luftës në fjalën e rastit tha se po bëhet padrejtësi e madhe ndaj luftës së pastër të UÇK-së dhe Gjykata Speciale është një gjykatë e cila do të vazhdojë me rrugën e njëjtë si ajo e UNMIK-ut dhe EULEX-it.

Fillon protesta e veteranëve

Në sheshin Skënderbeu ka filluar grumbullimi i njerëzve në protestën gjithë popullore kundër Gjykatës Speciale dhe dënimit të grupit të Drenicës.

Në protestën e sotme të organizuar nga OVL-UÇK janë gruaja dhe vajza e Sami Lushtakut.

Protestuesit po mbajnë pankarta në duar me mbishkrimin “Komandant jemi me ty”, “Stop Padrejtësive” e mbishkrime tjera. /Telegrafi/