Kur e ka Kosova Ditën e Çlirimit

Po i bënë pyetje nipi, Gjyshit të vet Trimit – Kur e ka Kosova Ditën e Çlirimit?

Po i përgjigjet gjyshi ,
Nipit t’ vet Flijimit –
Kur e ka Kosova
Ditën e Çlirimit !…

Gjyshi :
Për çlirim t’ Kosovës – Nënë ,
12 Qershor , Nëntëdhjetë e Nëntë –
Hyni NATO-ja n’ katër anët ,
Forcave serbe ua theu dhëmbët !

Nipi :
Pse pra gjysh , po humbet nderi –
Tym për shpi e qejf për njeri ,
Këtë Ditë t’ Madhe po e ndërrojnë ,
Kur po donë po e festojnë ?!

Gjyshi :
Ne jem popull interesant –
Shpi për shpi kem komandant !
Karrierës çdo kush i rreket –
Festojnë Ditën , kur t’ iu teket !…

Nipi :
Dita e Çlirimit kur festohet –
Pse pra gjysh në punë punohet ?
Udhëheqësve iu ka humbë busulla –
Në qytet kund s’ ka parulla ?!

Gjyshi :
Kujtojmë ditën e 29 Nëntorit –
Kur festonim t’ gjithë prej zorit !
Kush s’ guxonte me punua ,
Shumë parulla kemi shkrua !…

Nipi :
Më falë gjysh , gati harrova –
Sa flamuj i ka Kosova ?
Sa himne i kanë shqiptarët –
Si ilirë që janë të parët ?!

Gjyshi :
Po t’ tregoj , o nip , si burrit –
Kemi Himnin “Rreth Flamurit” !
N’ Kosovë kem një Himn memec –
Mos me u ndie pakicat keq !…
Kur është pyetja për flamujt –
Na s’ ia kem lakmi askujt !
Na ka bë Zoti çirak –
Multietnik e partiak !…

Gjilan, më 12.06.2015. Demir Krasniqi