Do të ketë pasoja nëse refuzohet Gjykata Speciale

“Do të ketë pasoja”. Kështu u përgjigj një zyrtar i Qeverisë gjermane, në Berlin, i pyetur nga “Koha Ditore” nëse mosvotimi i projektligjit për krijimin e Gjykatës Speciale do të mund të pasohet me ndërprerjen apo ngrirjen e procesit të integrimeve evropiane.

“Procesi i nënshkrimit të Marrëveshjes për Stabilizim- Asociim mes BE-së dhe Kosovës drejtpërdrejt nuk lidhet me krijimin e Gjykatës Speciale”, tha zyrtari gjerman.

Megjithatë, nëse Kosova dështon të krijojë Gjykatën Speciale, ai theksoi se edhe procesi i MSA-së për Kosovën do të vuajë, sikur edhe procesi i heqjes së mundshme të vizave për shtetasit e Kosovës në zonën Schengen. “Do të ketë pasoja”, tha ai, duke theksuar se këtë gjë e dinë liderët e Kosovës.

Një pozicionim të tillë në raport me krijimin e Gjykatës Speciale e ka marrë edhe vetë BE-ja, si dhe SHBA-ja, përcjell koha.net.

http://koha.net/?id=27&l=61765