Isufi: Kjo qeveri nuk do ta pres shtatorin

Nënkryetari i AAK-së, Ahmet Isufi, i ftuar në emisionin politiko-satirik “Rrokum Roll” me Fidan Jupollin, në TV Rrokum, e ka qujatur skandaloze ceremonin e rivarrimit të Isa Boletinit, kurse arrestimin e Muhamet Kelmendit e ka quajtur sulm politik ndaj profesorit.

Isufi ka theksuar se huluganizmi politik po e zbeh imazhin e Kosovës edhe në arenën ndërkombëtare.

Sipas tij, Gjykata Speciale është një dështim i drejtësisë së Kosoves. Ai thotë se në Kosovë nuk dihet sa kryeministra janë, kurse Presidentja, sipas tij, është si vetëm një kukull.

“Me sjelljet e liderëve në pushtet , kjo qeveri nuk do ta pres shtatorin. Kosova ka nevojë për një qeveri më stabile, e cila është partnere e BE-së”, tha Isufi. /Telegrafi/TV Rrokum/