Specialja, peng i komunikimit Kuvend – Qeveri

Kuvendi dhe Qeveria nuk kanë zhvilluar kurrfarë komunikimi përkitazi me Gjykatën Speciale, prej kur dy javë më parë deputetët vendosën të shtyjnë votimin e amendamenteve kushtetuese për këtë gjykatë. Lëvizje nuk pritet të ketë, së paku, edhe në dy javët e ardhshme, shkruan sot Koha Ditore.

Me propozim të subjekteve në pushtet, seanca ishte shtyrë me arsyetimin se deputetët nuk e posedonin para vetes edhe Draftligjin për Specialen. Ishte arsyetim formal, ngaqë shtyrja qe bërë në mungesë votash, kurse Draftligji nuk ishte fare në rend dite. Po kështu, ligjërisht, Draftligji nuk mund të procedohet në Kuvend pa u aprovuar amendamentet.

Në Kuvend kanë treguar se Qeveria nuk e ka ofruar akoma Draftligjin, prandaj amendamentet nuk janë vënë në rend dite.

“Kuvendi është në pritje të Draftligjit, i cili deri tash nuk ka ardhur nga Qeveria”, ka thënë të enjten Ismet Krasniqi, sekretar i përgjithshëm i Kuvendit.

Por, në Qeveri kanë theksuar se nuk mund ta procedojnë Draftligjin jashtë logjikës kushtetuese.

http://koha.net/?id=27&l=61593