9 të vdekur në vendet e punës

Nëntë persona gjatë vitit që lamë pas kanë humbur jetën duke punuar në vendet e tyre të punës, derisa një vit më parë numri i të vdekurve në punë ka qenë 17. Bazuar në të dhëna të Inspektoratit të Punës shihet qartë se numri i të vdekurve ka rënë, mirëpo numri i të lënduarve është rritur për shkak të vetëdijesimit të popullatës, pasi që në të kaluarën një numër i madhe i lëndimeve thuajse nuk janë raportuar fare te institucionet relevante në vend.

Sipas të dhënave të Inspektoratit të Punës, numri i rasteve të vdekjeve të punëtorëve në vendin e punës ka shënuar rënie gjatë vitit 2014 në krahasim me vitin 2013.

Basri Ibrahimi, kryeinspektor në Ministrinë e Punës dhe Mirëqenies Sociale (MPMS), ka thënë se gjatë vitit 2013 kanë qenë 17 raste të vdekjes në vendin e punës, ndërsa në vitin 2014 kemi vetëm 9 raste./zeri/