Sinani inspekton punimet në rrugët e Kamenicës

Kamenicë – Kryetari i Komunës Begzad Sinani së bashku me nënkryetarin Fatmir Matoshi, sot kanë vizituar punimet në riasfaltimin dhe mbushjen e gropave në rrugët regjionale të Kamenicës.

Aktualisht po bëhet riasfaltimi i rrugës nga Hodonoci deri në Domoroc ndërsa do të vazhdoj në rrugën Roganë – Karaqevë dhe Roganë – Hogosh. Pas këtyre rrugëve do të bëhet mbushja e gropave për Tugjec, Strezoc dhe Busavatë.

Sinani me këtë rast tha se është një e arritur e madhe që tashmë Komuna e Kamenicës është regjion në vete dhe asnjëherë më parë nuk ka pasur investime kaq të mëdha në mirëmbajtjen e rrugëve dhe ne do të jemi gjithnjë pranë qytetarëve dhe kompanisë për të lehtësuar punët që po kryhen tha Sinani.

Punët në riasfaltimin dhe mbushjen e gropave po i udhëheq kompania “Jaha Company” nga Podujeva./rajonipress/