Me gjithë pakënaqësitë, konsumatorët bëjnë pak ankesa zyrtare

Mërgimtari Nazmi Gashi ka ardhur nga Danimarka t’i kalojë disa ditë pushimi në vendlindje dhe njëra nga gjërat e para që ka barë është furnizimi i shtëpisë me ushqim, raporton KTV.

Thotë se nuk i ka rastisur të ketë pasur ndonjë problem sa i përket ushqimeve që i blen, pasi që është mësuar ta shikojë secilin produkt që e merr.

Nazmiu thotë se me ligjet që janë në fuqi në vendin që jeton shkelja e të drejtave të punëtorëve mund të shkojë deri në mbyllje të marketit, por në Kosovë ka parë se konsumatori mbrohet pak.

Të dhënat zyrtare flasin për një numër simbolik të konsumatorëve që ankohen për shkeljet ndaj tyre, përcjell koha.net. Përgjegjësit e kësaj fushe thonë se ankesat janë thuajse për të gjithë artikujt që blihen në treg.

Për shkak të shpërndarjes së kompetencave te disa institucione, brenda një kohe jo shumë të gjatë pritet të nisin ndryshimet e ligjit për mbrojtjen e konsumatorëve, përmes së cilës pritet edhe të shtohen masat e ashpra ndaj shkelësve të këtij ligji.

http://koha.net/?id=27&l=57874