Së shpejti “T`i don” nga Dhurata

Këngëtarja që me hapa të sigurt po ndërton karrierë në skenën shqipe, Dhurata Dora, ka paralajmëruar videoklipin e saj të ri.

Kënga quhet “Ti don” dhe sipas njoftimit të këngëtares, do të vijë së shpejti para fansave.

Max Production qëndron prapa këtij projekti dhe është angazhuar për realizimin e klipit.

“Së shpejti një tjetër hit veror nga Dhurata Dora në bashkëpunim me MAX Production”, shkruan në njoftimin e produksionit.

Ndryshe, videoklipi i këngës “A bombi” ka rezultuar jashtëzakonisht i suksesshëm.

E publikuar në nëntorin e kaluar, videoja është shikuar mbi 13.6 milionë herë deri më tani në YouTube. /Telegrafi/