Haziri: Kam pasur kërkesa publike e jopublike për ta udhëhequr LDK’në

Kandidati i mundshëm për Kryetar të LDK’së, Lutfi Haziri ka thënë se kushdo që ka ambicie për të udhëhequr me partinë duhet të kontribuojë në unitetin partiak. Haziri e ka përfshirë edhe vetën në grupin e njerëzve që kanë ambicie për të marrë udhëheqjen e LDK’së.

“Ka pasur zëra, ka pasur kërkesa, ka kërkesa të tilla publike e jopublike që lidhem me mua si njëri prej veprimtarëve, si njëri prej njerëzve të angazhuar në LDK. Unë jam i angazhuar në udhëheqjen e komunës”, ka thënë ai.

“Krejt ata që kanë ambicie me marrë udhëheqjen e LDK’së mund të kontribuojnë në unitetet, të gjithë, përfshirë edhe mua. Sepse unë kam qenë Nënkryetar i LDK’së në kohën kur Fatmir Sejdiu e ka udhëhequr LDK’në. Z. Mustafa më ka bërë anëtar të Kryesisë. Nuk kam qenë në skemën e tij të Nënkryetarit”, ka thënë Haziri.

“Edhe deputetë, edhe Ministra që përfaqësojnë LDK në detyra të caktuara, edhe Kryetarë komunash nuk i bën më pak të vlefshëm në konkurrencë nëse kanë ambicie, vizion dhe donë të rrisin LDK’në”, ka shtuar ai./express/