Sinani: Ndër prioritetet tona mbetet investimi në infrastrukturën shkollore

Kamenicë – Kryetari i komunës së Kamenicës Begzad Sinani ka pritur sot drejtorin e arsimit, Agim Shkodra dhe drejtorët e shkollave të mesme të Kamenicës dhe këshillin organizativ për organizimin e mbrëmjes së maturës.

Sinani ka uruar maturantët për përfundimin e shkollës së mesme dhe njëherit ka uruar që atyre t’u lehtësohen rrugët për studime dhe avancimin ne karrierë.

Sinani ka thënë se është i kënaqur me mbarëvajtjen e procesit mësimor dhe se pushteti komunal ndër prioritetet kryesore e ka pasur edhe rregullimin e infrastrukturës shkollore. “Jam i sigurt se muajve në vijim do të investojmë edhe më shumë në përmirësimin dhe renovimin e shumë shkollave” ka shtuar Sinani./rajonipress/