Zgjerohet bashkëpunimi midis UBT-së dhe Universitetit “Mimar Sinan” të Stambollit

Profesorët në Fakultetin e Arkitekturës në UBT, Ajhan Bajmaku dhe Muhamed Ahmeti, së bashku me një grup studentësh, gjatë vizitës në Stamboll të Turqisë, zhvilluan një varg aktivitetesh të rëndësishme, përfshirë edhe takime me zyrtarë të lartë të universiteteve dhe institucioneve të tjera në këtë vend.

Një nga takimet më të rëndësishme gjatë kësaj vizite ishte edhe ai me prorektoren e Universitetit “Mimar Sinan”, Deniz Incedayi.

UBT ka një bashkëpunim shumë të mirë me këtë universitet, ndërsa gjatë këtij takimi u dhanë një varg idesh për zgjerimin e bashkëpunimit, përfshirë edhe shtimin e vizitave të ndërsjella, të cilat janë të mirëseardhura për shkëmbimin e përvojave mes profesorëve e sidomos mes studentëve.

Deniz Incedayi është njëkohësisht edhe drejtoreshë e Asociacionit të Arkitektëve Botërorë.

Gjatë vizitës në Stamboll, studentët e arkitekturës në UBT, mes të tjerash, vizituan universitetin më prestigjioz të Arkitekturës dhe Dizajnit “Kadir Has Universitesi”, bibliotekën më të pasur në këtë rajon me librat e artit dhe të arkitekturës, vizituan Muzeun e Fakultetit, pastaj galerinë kontemporane Salt-Taksim, dhe muzeun dhe institutin më të njohur për hulumtime në artin kontemopran Galata Salt”, që ka bibliotekën më të pasur në Evropë.

Ata gjithashtu vizituan panairin ndërkombëtar të materialeve ndërtimore, si dhe muzeun modern të Stambollit./rajonipress/