Bajrami: Do të luftoj kundër çdo mafie kriminale dhe asaj të naftës

Ministrja e Tregtisë dhe Industrisë, Hykemete Bajrami, ka shprehur gadishmërinë që ta vazhdojë luftën kundër evazionit fiskal. Ajo ka thënë se asnjë pikë e derivateve të naftës nuk do të mbetet pa u licencuar.

Bajrami ka shkruar në Facebook se do të bëjë ligje dhe do ta luftojë çdo të keqe dhe çdo kënd që është në kundërshtim me ligjin.

Ky është postimi i saj i plotë:

Interesante shkrimi ne Kosova Sot, aq me teper kur oligarket luftojne ne mes vete dhe perdorin emrin tim si instrument. Ju garantoj se Hykmete Bajrami ka guxim me shume nga ç’mund te imagjinoni ju, te luftoj krimin e korrupcionin brenda kompetencave dhe mandatit, te bej ligje, e rregulla kunder çdo mafie kriminale dhe asaj te naftes. Para 2 muajve 43% e pikave te karburanteve kane qene pa license, kemi mbylle dhjetra pika, vazhdojme te mbyllim te tjera brenda nje kohe te shkurter nuk do te kete asnje pike te pa licensuar ne tere territorin e vendit-per here te pare.

Po eshte e vertete Kryeminstri Isa Mustafa dhe LDK-ja me ka vene ne krye te MTI-se por per te qene ne sherbim te popullit, zhvillimit ekonomik dhe askujt tjeter.

E pandershme nese prisni qe une te bej per kater muaj ate qe tete ministra nuk e kane bere per 15 vitet e shkuara, shihni sa po punohet, prisni edhe pak dhe e shihni se ne sherbim te kujt jam…po punohet shume ne MTI qe tregu i naftes te rregullohet dhe jo vetem ky treg, po kthehet besimi i qytetareve, bizneseve te huaja e vendore ne MTI.