Dëshmorët e komunës së Kamenicës

Që nga Zllashi e t’Kitkës,N’ mbarë komunën e Kamenicës –
Kujtojmë trimat e lavdisë, Që iu banë kurban lirisë !

N’ shenjë nderimi për dëshmorë –
Sjellim lule me kurorë !
Për lavdi e për kujtime –
Ju sjell vargjet e këngës sime !

Një dëshirë e kam në zemër –
T’ i kujtoj të gjithë me emër !
Fort po tutna po gaboj –
Mos ndonjërin po e harroj ?!

Qëndresëtarët prej triumfi –
Arsim e Shemsi Isufi ,
Agush e Rafet Isufi ,
Ndaj armikut iu shpërtheu dufi !

Zylfi dhe Isa Kastrati –
Mirë e dinin çka është xhelati !
Edhe Ramadan Kastrati –
Nuk i shkonte armikut për shtati !

Sabri e Driton Krivaça –
Shpirti i tyre pushon tek paqja !
Basri Canolli e Lulëzim Vrajolli –
Gjaku i tyre – lirinë na e solli !

Tefik Hajdini e Mehmet Sabedini –
Tmerrin n’ bark armiqve ua shtini !
Ramadan Sijarina e Musa Morina –
Për liri – thonë – jetën e shkrina !

Nevzad dhe Emin Kryeziu –
Për liri luftës i priu !
Emin Jerliu e Selver Kryeziu –
Armikut jetën ia nxiu !

Trim pa shoq Besnik Maroca –
Plumb armikut i derdhte n’ koca !
Bash te qeshma e Mulla Nuhës –

Fetah Fetahun e vranë n’ vend t’ punës !
Trimat sikur Xhelal Sopi –
Nuk i trembë pushka , as topi !

I tillë ishte Musli Ymeri –
Për armiq ishte vet tmerri !
Ramadan Latifit nga Hogoshti –
Për trimëri s’ i gjendej shoqi !

Murtez e Fadil Sherifi –
Mirë iu shkonte për pushkë teklifi !
Avdi Xhaçku e Fadil Zubaku –
Shqipe trime , lule zambaku !…

Asllan Thaçi nga Karaçeva –
Trim i rrallë ishte n’ këto treva !
Ahmet Mehmetin nga Gragjeniku –
N’ prag t’ shtëpisë e vrau armiku !
Q
amil Syla e Ismajl Ismajli –
Trima t’ pushkës , shqipe mali !
Me ju , o trima legjendarë –
Përgjithmonë do t’ jem krenarë !
Lavdi nënave që iu lindën ,

Lavdi djepave që iu rritën !
Ju , o trima t’ shqiptarisë –
Ia ndërruat faqet historisë ,
Trasuat rrugën e lirisë ,
Hapët shtigjet e pavarësisë !…

Sot Kosova gëzon shtet ,
Pavarësi , sovranitet !
N’ rrugë të paqes drejt Evropës –
Krah për krah me shtete t’ botës !

Gjilan, më 14.04.2015. Demir Krasniqi