Kënga jonë nëpër kohë

Rri n’kujtime deri vonë – Në rrugëtim me këngën tonë !…
Gjatë tanë jetës kemi rrugëtua – Shumë ndryshime kem përjetua ! Qysh si fëmijë dhe si i ri – Këndonin këngë shumë bari ! Shumë bari edhe baresha, Që janë rritë atje kah bjeshka …

N’ dasma e n’ gëzime për shtatë qejfe –
Këndonin vajzat këngë me defe !
N’ dasma e ndeja në mes nesh –
Këndonin burrat me gisht n’ vesh !
Kujtoj fshatrat kah Malësia –
Për herë t’ parë kur erdh radia !…
Transistorin me bateri –
E dëgjonin pleq e t’ ri !
Këndonin çika , këndonin bija –
Hajde motra dalim te hija !
Hajde t’ shkojmë te Miradija –
Ta dëgjojmë si këndon radija !

Leni kosat , leni t’ prashitmet –
Hajde dalim dëgjojmë “Urimet”!…
Dëgjojmë “Urimet dhe përshëndetjet” –
Shtohen gëzimet dhe buzëqeshjet !
Leni draprit , leni t’ korrnit –
Hajde dalim n’ hije t’ oborrit ,
T’ ia lëshojmë zërin transistorit ,
T’ i dëgjojmë këngët e folklorit !…
Prej Gollakut nga Kamenica –
T’i dëgjojmë qysh këndojnë Drenica !
Hajde t’ shkojmë n’ odën burrnore –
Ta dëgjojmë “Mbrëmjen gazmore”!

N’ çdo gazmend nëpër Malësi ,
Mblidheshin burrat shpi për shpi –
Thirreni n’ dasmë bacën Hamdi ,
Se na vjen bashkë me radi !
Kujtoj kohërat n’ shtëpitë tona ,
Kur na dolën gramafonat –
Ditë e natë dëgjonim pllaka ,
Fëmijë e t’ ri me pleq e plaka !…
S’ bëhej dasmë në rrethin tonë –
Pa e thirrë bacën Namon ,
Se ai vjen me gramafon ,
Lloj- lloj këngësh n’ dasmë na lëshon !

N’ shtëpi t’ mallrave dita e nata –
Pritshin njerëzit n’ radhë të gjata ,
Gramafonit me i ble pllaka ,
N’ këngë e valle me i dalë flaka !…
Dolën n’ treg magnetofona –
Këngë e gëzim në shtëpitë tona !
N’ celuloid ishte shiriti –
T’ incizojmë çka na do shpirti !

N’ krejt Malësinë zunë po kërkojnë –
Thirreni n’ dasmë bacën Rrahmon ,
Se ai ka magnetofon ,
Krejt Malësinë n’ këngë peshë na e qon !
Pritnin njerëzit radhë e radhë ,
Në shitore e n’ treg të madh –
T’ blejnë kaseta me këngëtarë ,
Gjithë kah ka rapsodë shqiptarë !
Kur na dolën televizorët –
Gëzim të madh kishin malësorët !
Hajde shkojmë t’ rrimë te Hajdarët –
T’i shikojmë si këndojnë këngëtarët !

Ndërruan kohërat si pranverat –
Nëpër treg dolën kamerat !
Dasma , gëzime , ahengje t’ veta –
I xhirojnë n’ video kaseta !
Por meraku prapë nuk hiqet –
Në treg dolën kompakt disqet !
N’ daç valltarë e n’ daç këngëtarë –
Anë e mbanë truallit shqiptarë !
Këndonin djemtë , këndonin çikat ,
Për vetura dolën çipat !

N’ daç n’ veturë, n’ daç n’ internet –
Mijëra këngë i shtinë në xhep !
N’ celularë “Viber” , “Ajfon” –
Me krejt botën komunikon !
Del shëtitësh cep me cep –
Sot muzikën e ke në xhep !

Gjilan, më 28.03.2015 . Demir Krasniqi