Gratë, më pak të korruptuara

Nuk mjafton vetëm plotësimi i kuotave gjinore për përfaqësim të denjë të grave në sektorët kyçë të vendit. Gratë janë ato të cilat ballafaqohen me nënçmimin, sfidat dhe më lehtësisht kërcënohen.

Në Kosovë edhe pse kuota prej 30 për qind është e përmbushur, mungon përfaqësimi i gruas në pozita ekzekutive. Kështu u tha të mërkurën në kuadër të “Javës së Gruas”, e cila po organizohet në Prishtinë, nga 23 marsi deri më 27 mars, në hotelin “Emerald”.

Temë diskutimi ishte “Roli i grave në luftimin e korrupsionit”. Për format e korrupsionit që atakojnë gratë e më shumë për rëndësinë e përfshirjes së grave në institucionet që luftojnë korrupsionin.

Të pranishme në panelin diskutues ishin: prokurorja Laura Pula, kryetarja e Gjakovës, Mimoza Kusari – Lila, kryeredaktorja e gazetës “Zëri”, Arbana Xharra, drejtoresha e BIRN-it, Jeta Xharra, deputetja e “Vetëvendosjes”, Albulena Haxhiu, kreu i Agjencisë Kundër Korrupsionit, Hasan Preteni./zeri/