Kryeprokuror i Shtetit – pa asnjë ditë përvojë pune si prokuror

Hajredin Kuçi mund të konkurrojë për Kryeprokuror të Shtetit, nëse disa kritere të propozuara nga kabineti i tij finalizohen në ligj. Këto kritere lejojnë që kushdo që ka të paktën 12 vjet si profesor i Fakultetit Juridik, mund të jetë kandidat. Kaq ka edhe Kuçi që aktualisht mban pozitën e ministrit të Drejtësisë.

Një draft i Projektligjit për ndryshimin dhe plotësimin e Ligjit për Prokurorin e Shtetit, që ka dalë nga kabineti i ministrit Kuçi, ka “liberalizuar” kriteret për t’u bërë kryeprokuror i Shtetit, kryeprokuror i Prokurorisë së Apelit, i Prokurorisë Themelore dhe prokuror në Departamentin e Krimeve të rënda.

Drafti që u është dërguar anëtarëve vendës dhe atyre ndërkombëtarë nga këshilltarja ligjore në Ministrinë e Drejtësisë, Dafina Buçaj, saktësohet se ky është drafti final./koha/