Kryeministri Mustafa hapave të Thaçit

Deputetja e Lëvizjes Vetëvendosje, Albulena Haxhiu ka thënë sot në një konferencë për media se nga koalicioni LDK-PDK nuk kanë pritur asgjë dhe as që do të presin në të ardhmen.

Në konferencën e mbajtur me rastin e 100 ditëshit të Qeverisë, Haxhiu ka thënë se kryeministri aktual Isa Mustafa vetëm po e ndjek rrugën e paraardhësit të tij, ish-kryeministrit Hashim Thaçi.

Ndërkaq, kryetari i Lëvizjes Visar Ymeri ka thënë se nga programi i Qeverisë që e kanë parë nuk kanë gjetur asgjë konkrete.
Sipas tij, ai program është shkruar në formë prozaike, i përgjithësuar dhe nuk ka të përcaktuar prioritetet e rëndësishme.

Në konferencë po ashtu është folur për “Trepçën”, Gjykatën Speciale si dhe për largimin e ish-ministrit për Kthim Aleksandër Jabllanoviq nga Qeveria e cila sipas Vetëvendosjes është arritur me këmbëngulësi të opozitës. /Telegrafi/