Xhamia e Kisha në një oborr, kjo është lufta jonë kundër ekstremizmit

Zv.kryeministri dhe ministri i Punëve të Jashtme të Kosovës, Hashim Thaçi nesër pritet të marrë pjesë në samitin kundër ekstremizmit që do të mbahet në Vjenë.

Thaçi përmes një postimi në Facebook ka theksuar se porosia e tij kryesore në këtë samit do të jetë toleranca jonë historike, dialogu dhe rrespekti për të gjitha besimet si dhe Kushtetuta jonë e avansuar që mbron minoritetet, janë mjetet kryesore me të cilat Kosova lufton ekstremizmin e dhunshëm dhe radikalizmin fetar./Indeksonline/

Lexoni postimin e plotë:
Në foto është Ferizaji, ku xhamia e kisha e ndajnë një oborr me shekuj. Toleranca jonë historike, dialogu dhe rrespekti për të gjitha besimet si dhe Kushtetuta jonë e avansuar që mbron minoritetet, janë mjetet kryesore me të cilat Kosova lufton ekstremizmin e dhunshëm dhe radikalizmin fetar.

Kjo është edhe porosia ime kryesore nesër në Vjenë, ku do të flas para 14 ministrave si dhe Komisionerit të BE-së, zyrtarëve të Interpolit, në Samitin rajonal kundër ekstremizmit, për mënyrat se si Kosova po lufton me sukses dukuritë negative falë traditës tonë kombëtare të tolerancës. HTH