UNMIK-u i dorëzon një donacion me kompjuter spitalit të Gjilanit

Gjilan – Zyra kryesore e UNMIK-ut në Kosovë OCSF-SRSG, përmes përfaqësuesit special të sekretarit të përgjithshëm, Farid Zarif dhe Limon Limani pranë kësaj zyre, sot në SPGJ, kanë dorëzuar një donacion prej 15 kompjuterësh të kompletuar dhe 2 UPS.

Në pranimin e këtij donacioni të rëndësishëm ka marrë pjesë menaxhmenti i Spitalit, ku ndër të tjerash drejtori i këtij spitali Abdylatif Latifi falënderon zyrën e UNMIK-ut për ndihmën që kanë ofruar.

Siç deklaron Latifi ky donacion është shumë i dobishëm, dhe do të ndikojë në ngritjen e cilësisë së shërbimeve për pacientët pa dallim nacionaliteti apo feje.

Besojmë që SRGJ-ja edhe në të ardhmen do të ketë një bashkëpunim të mirë me Zyrën e UNMIK-ut në Kosovë ka thënë Latifi njofton zyrtari për informim Selami Kurteshi/rajonipress/