Shoqatat e luftës, padi rektorit Zejnullahu

Shoqatat e dala nga lufta e UÇK-së e kanë paditur në organet e drejtësisë rektorin e Universitetit të Prishtinës (UP) “Hasan Prishtina”, Ramadan Zejnullahu. Përfaqësues të këtyre shoqatave pretendojnë se rektori ka shkelur konkursin për regjistrim të studentëve dhe memorandumin e mirëkuptimit të lidhur ndërmjet UP-së dhe shoqatave për regjistrimin në studime të kandidatëve të kategorive të dala nga lufta.

Ndonëse për ministrin e Arsimit, Arsim Bajrami, dhe rektorin e UP-së, Ramadan Zejnullahu, kjo çështje ka marrë fund, për krerët e shoqatave çështja mund të mbyllet vetëm atëherë kur t’iu njihet e drejta e studimeve rreth 1000 kandidatëve të kategorive të dala nga lufta./zeri/