Ose të bashkuar mes veti ose të poshtëruar çdo ditë nga Serbia!

Nga Gani Sadiku – Nëse politikanët kosovarë nuk organizohen për një koncenzus nacional në bisedime me Serbinë, ata do të poshtërohen për çdo ditë nga Serbia.

Arrestimi i Ramush Haradinajt, duhet të shërbejë si një adut për bashkimin e politikanëve kosovarë në raport me Serbinë. Është sinjali i fundit se Kosova duhet ta ndërpres dialogun me Serbinë, deri në riorganizimin e një politike koncesuale të kosovarëve.

Ky dialog duhet të ridizajnohet, dhe nuk duhet më tej ta favorizojë Serbinë në rrugën drejt BE-së. Ky dialog, sot e tutje, duhet të jetë pengesë e hapjes së kapitujve Serbi-BE, e sidomos hapjen e kapitullit 35.,. Kosova urgjent duhet të kërkojë edhe ndryshimin e nivelit të bisedimeve. Nuk ka më sens logjik, të vazhdohet niveli i bisedimeve i përfaqësuar nga Agim Baftiri i padijshëm dhe Edita Tahirit të lodhur shpirtërisht ose të ngjashëm./rajonipress/