Ndërkombëtarët kthehen në PTK

Ministri i Financave, Avdullah Hoti, ka paralajmëruar se do të sillet një menaxhment ndërkombëtar në krye të Postë Telekomit të Kosovës (PTK), në mënyrë që, siç ka deklaruar ai, t’i rritet vlera kompanisë dhe më pas të privatizohet

“Do të zgjidhet një menaxhment ndërkombëtar, i cili do ta drejtojë PTK-në gjatë dy vjetëve të ardhshme, me synimin që kompanisë t’i rritet vlera e më pas të privatizohet”, ka deklaruar Hoti të enjten mbrëma në emisionin “Zona e Debatit” në Klan Kosova, duke shtuar se Qeveria e Kosovës tashmë nuk është e gatshme ta privatizojë PTK-në për disa dhjetëra miliona euro./zeri/