Abrashi: Vende pune për kosovarët, në Kosovë dhe Evropë

Ministri i Punës dhe Mirëqenies Sociale, Arban Abrashi, thotë se shumë shpejt do të ketë vende të reja të punës si në vend, ashtu dhe jashtë vendit.Ideja e planit që është prezantuar nga Qeveria lidhet me planin e zhvillimit ekonomik, një vend me më shumë punë në Kosovë, thotë Arban Abrashi, ministër i Punës e Mirëqenies Sociale dhe zëdhënës i Qeverisë në misionin “Rrokum Roll” në Rrokum TV.

“Qeveria Mustafa ka strategji me ia kthye imazhin e mirë dhe shpresën Kosovës”, ka theksuar Abrashi.

Abrashi gjithashtu theksoi se shumë shpejt do të krijohen vende të reja të punës, duke u nisur nga sektori privat ku per 6 muaj pagat do t’i paguajë ministra te cilën e udhëheq Abrashi.

Ai gjithashtu tha se shumë shpejt do të hapen edhe shkollat profesionale, sipas kerkesës së tregut.

“Do të fillojnë punësimet sezonale në vendet më të fuqishme evropiane, duke filluar prej këtij viti në një numër jo të madh. Ndërsa, çdo vit numri do të shtohet”, tha ai.

Sipas tij, ky plan do t’i prezantohet Kuvendit dhe brenda 6 muajve do të jetë i zbatueshëm.