Vërshimet shkaktuan dëme të mëdha në Komunën e Kamenicës

Kamenicë – Vërshimet i kanë shkaktuar dëme të mëdha edhe Komunës së Kamenicës, në objekte private, shembje dheu në rrugë të ndryshme, dëmtime të rrjetit elektrik, kanalizimeve etj. Dëmtime më mëdha kanë pasuar rrugët për Karaçevë, Lisockë dhe Krilevë, por edhe në shumë fshatra tjera.

Kryetari i Komunës, Begzad Sinani sot mbajti takimin kushtuar vlerësimit të gjendjes në komunë pas vërshimeve të këtyre ditëve.

Në takim ishin të pranishëm drejtorët e drejtorive përkatëse, Faik Rexhepi, drejtor i Drejtorisë për Mbrojtje dhe Shpëtim, Faton Jakupi, drejtor i Drejtorisë së Shërbimeve Publike dhe inspektoratit, udhëheqësin e njësitit të zjarrfikësve Riza Bunjaku, inspektori Refik Latifi dhe sekretari i Kryqit Kuq të Kamenicës, Rexhep Morina.

Ata e kanë njoftuar Sinanin, me masat që i kanë ndërmarr gjatë vërshimeve, si edhe me pasojat e krijuara nga ajo fatkeqësi natyrore.

Drejtori i Drejtorisë Mbrojtjes dhe Shpëtimit, e njoftoi kryetarin për intervenimet e bëra gjatë vërshimeve dhe pikat më të rënda ku ata kanë intervenuar.

Po ashtu edhe Drejtoria e shërbimeve Publike, njësiti i zjarrfikësve dhe kryqi i Kuq komunal, njoftuan kryetarin me aktivitetet e tyre të ndërmarra gjatë vërshimeve, si edhe me aktivitetet në vijim.

Vërshimet i kanë shkaktuar dëme të mëdha edhe Komunës së Kamenicës, në objekte private, shembje dheu në rrugë të ndryshme, dëmtime të rrjetit elektrik, kanalizimeve etj.

Dëmtime më mëdha kanë pasuar rrugët për: Karaçevë, Lisockë dhe Krilevë, por edhe në shumë fshatra tjera. Ekipet emergjente janë në terren edhe vazhdimisht janë duke sjellë informacione të reja.

Sinani, kërkoi nga drejtorët që brenda ditës të përgatitet një raport gjithëpërfshirës, ku secili nga fusha e vet të kontribuoj me shënime dhe i njëjti të dërgohet në ministrinë përkatëse.

Komuna brenda kapaciteteve të veta të veprojë, aty ku nevojat janë emergjente. Sinani, i falënderoi të gjitha kompanitë ndërtimore që me tekniken e tyre i kanë dalë në ndihmë qytetarëve në momente të vështira, duke kontribuar në pengimin e vërshimeve./rajonipress/